Untitled

Category

Empty

Status

Empty

Assignee

Empty

शंभर कोटी थेंब
खळखळ करत
पायावरून वाहून गेलेत,
इतकावेळ तू नदीपात्रात उभा आहेस,
काठावरचं झाड एकटक जोखत.

तू झाड किंवा पाणी
यापैकी काय होऊ शकलास जिब्रिश?

काहीच नाही?
मग हलू नकोस.
असाच उभा राहा,
जोवर हिरवी झाक
तुझ्या बुबुळात दिसत नाही,
जोवर शेवाळ सहजपणे
तुझ्या पायावर चढत नाही.
उभा राहा.

तंद्रीचा षड्ज
हिरव्याशी
जुळवू
न शकलेला
माणूस-
चराचराला प्लास्टिकसारखाच दिसतो,
हे लक्षात असूदे जिब्रिश.