Share
Sign In
ಮಾಗಡಿ
ದಲಿತ ಅಧಿಕಾರಿಗೆ ಅಪಮಾನ ?
S
Silk_City
👍
ಪಟ್ಟಣದಲ್ಲಿ ಸೆ.13ರಂದು ವಿವಿಧ ಅಭಿವೃದ್ಧಿ ಕಾಮಗಾರಿಗಳ ಶಂಕುಸ್ಥಾಪನಾ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿಗಳಿದ್ದ ವೇದಿಕೆಯಿಂದ ದಲಿತ ಅಧಿಕಾರಿಯನ್ನು ಬಲವಂತವಾಗಿ ತೆರಳುವಂತೆ ಮಾಡಿರುವುದನ್ನು ತಾಪಂ ಮಾಜಿ ಸದಸ್ಯ ಮಾಡಬಾಳ್‌ ಜಯರಾಂ ಖಂಡಿಸಿದರು.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ವಿವಿಧಮಂತ್ರಿಗಳು, ಶಾಸಕರು, ಜಿಲ್ಲಾ ಹಾಗೂ ತಾಲೂಕು ಮಟ್ಟದ ಅಧಿಕಾರಿಗಳು ಹಾಜರಿದ್ದ ವೇದಿಕೆಯಲ್ಲಿ ರಾಮನಗರ ಜಿಲ್ಲಾ ಅಂಬೇಡ್ಕರ್ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕಿ ಸರೋಜಾದೇವಿ ಅವರನ್ನು ದಲಿತ ಸಮುದಾಯದ ಮಹಿಳೆ ಎಂಬ ಕಾರಣದಿಂದಾಗಿ ವೇದಿಕೆಯಿಂದ ಹಿಂದೆ ಸರಿಯುವಂತೆ ಜಿಲ್ಲಾಧಿಕಾರಿಗಳು ಸೇರಿದಂತೆ ಸಮಾರಂಭದ ಆಯೋಜಕರು ಹಿಂದೆಸರಿಯುವಂತೆ ಮಾಡಿರುವುದು ಅವಮಾನ. ಇನ್ನು ಮುಂದೆಯಾದರು ಅಧಿಕಾರಿಗಳು ಹಾಗೂ ಜನಪ್ರತಿನಿಧಿಗಳು ಆಯೋಜಿಸುವ ಸಭೆಗಳು ಶಿಷ್ಟಾಚಾರದಿಂದ ಕೂಡಿರುವಂತೆ ಗಮನಹರಿಸಬೇಕೆಂದು ಒತ್ತಾಯಿಸಿದರು.
ತಾಪಂ ಮಾಜಿ ಅಧ್ಯಕ್ಷ ಜಯಚಂದ್ರ ಮಾತನಾಡಿ, ದಲಿತ ಸಮುದಾಯದ ಅಧಿಕಾರಿಗಳಿಗಾಗಲಿ ಅಥವಾ ಮುಖಂಡರಿಗಾಗಲಿ ದೊಡ್ಡಮಟ್ಟದ ಕಾರ್ಯಕ್ರಮದಲ್ಲಿ ಸೂಕ್ತ ಸ್ಥಾನ ನೀಡಬೇಕು. ದಲಿತ ಸಮುದಾಯದ ಅಧಿಕಾರಿಯನ್ನು ಅವಮಾನಿಸಿರುವುದು ದುರದೃಷ್ಟಕರ. ಈ ಘಟನೆಯಿಂದ ಮಹಿಳಾ ಅಧಿಕಾರಿ ಬಹಳ ಬೇಸರ ವ್ಯಕ್ತಪಡಿಸಿದರು. ಮತ್ತೆ ಇಂತಹ ಘಟನೆಗಳು ಮರುಕಳಿಸದಂತೆ ಸಂಬಂಧಿಸಿದ ಅಧಿಕಾರಿಗಳು ಗಮನ ಹರಿಸಬೇಕು ಎಂದರು.
ಹಿರಿಯ ದಲಿತ ಮುಖಂಡರಾದ ಹನುಮಂತಯ್ಯ ಮಾತನಾಡಿ, ಶಾಸಕರು ವಿವಿಧ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿರುವವರನ್ನು ಗುರುತಿಸಿ ತಾಲೂಕಿನ ದಲಿತ ಮುಖಂಡರನ್ನು ಮುಖ್ಯವಾಹಿನಿಗೆ ತರಬೇಕೆಂದರು. ದಲಿತ ಮುಖಂಡರಾದ ಹನುಮಂತಯ್ಯ, ಪುಟ್ಟಸ್ವಾಮಿ ಇತರರು ಹಾಜರಿದ್ದರು.
Subscribe to 'silkcityktk'
Welcome to 'silkcityktk'!
By subscribing to my site, you'll be the first to receive notifications and emails about the latest updates, including new posts.
Join SlashPage and subscribe to 'silkcityktk'!
Subscribe
👍
Other posts in 'ಮಾಗಡಿ'See all
Silk_City
25ಕ್ಕೆ ಪಿ ಎಲ್ ಡಿ ಬ್ಯಾಂಕ್ ವಾರ್ಷಿಕ ಸಭೆ
ಮಾಗಡಿ: ತಾಲೂಕು ಪ್ರಾಥಮಿಕ ಸಹಕಾರ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ ನ 2023 - 24ನೇ ಸಾಲಿನ ಸರ್ವ ಸದಸ್ಯರ ವಾರ್ಷಿಕ ಮಹಾಸಭೆ ಸೆ.25ರಂದು ಬುಧವಾರ ಬೆಳಿಗ್ಗೆ 11 ಗಂಟೆಗೆ ಪಟ್ಟಣದ ಡಾ.ಬಿ.ರ್ಆ. ಅಂಬೇಡ್ಕರ್‌ಭವನದಲ್ಲಿ ಏರ್ಪಡಿಸಲಾಗಿದೆ. ಬ್ಯಾಂಕಿನ ಕೆ.ಜಿ.ನಾಗರಾಜು ಅಧ್ಯಕ್ಷತೆ ವಹಿಸುವರು. ಬಿಡಿಸಿಸಿ ಬ್ಯಾಂಕ್ ನಿರ್ದೇಶಕರಾದ ಅಶೋಕ್‌, ಧನಂಜಯ, ಬ್ಯಾಂಕ್ ಸದಸ್ಯರು ಭಾಗವಹಿಸಲಿರುವರು.
Silk_City
ನಾಳೆ ವಿದ್ಯುತ್ ವ್ಯತ್ಯಯ
ಮಾಗಡಿ: ಬೆವಿಕಂ ಉಪ-ವಿಭಾಗ ವ್ಯಾಪ್ತಿಯಲ್ಲಿ ಸೆ.22ರಂದು ಭಾನುವಾರ ಬೆಳಿಗ್ಗೆ 10ರಿಂದ ಸಂಜೆ 5 ರವರೆಗೆ ಕೆಪಿಟಿಸಿಎಲ್ ಮಾಗಡಿ ವಿದ್ಯುತ್ ಕೇಂದ್ರದಲ್ಲಿ ಕಾಮಗಾರಿ ಹಿನ್ನೆಲೆ ಮಾಗಡಿ ಟೌನ್ ಹಾಗೂ ಪುರಸಭಾ ವ್ಯಾಪ್ತಿಯ ಎಲ್ಲಾ ಪ್ರದೇಶಗಳು, ಮಾಡಬಾಳ್, ಬೆಳಗುಂಬ, ನೇತೇನಹಳ್ಳಿ, ತಗ್ಗಿಕುಪ್ಪೆ, ಕಲ್ಯಾ, ಕಾಳಾರಿ ಕಾವಲ್ ಪಂಚಾಯಿತಿಗಳ ವ್ಯಾಪ್ತಿಗೆ ಸೇರಿದ ಎಲ್ಲಾ ಗ್ರಾಮಗಳು, ವಿ.ಜಿ.ದೊಡ್ಡಿ, ಅಜ್ಜನಹಳ್ಳಿ, ಗವಿನಾಗಮಂಗಲ, ಮಂಚನಬೆಲೆ, ಸಾವನದುರ್ಗ, ಅತ್ತಿಂಗೆರೆ, ಹಂಚಿಕುಪ್ಪೆ, ತ್ಯಾಗದೆರೆಪಾಳ್ಯ, ಬಾಳೇನಹಳ್ಳಿ, ಹೇಳಿಗೆಹಳ್ಳಿ, ಕೋಂಡಹಳ್ಳಿ, ಕೆಂಪಸಾಗರ ಹೂಬಿನಕೆರೆ, ಜುಟ್ಟಿನಹಳ್ಳಿ, ಹಾರೋಹಳ್ಳಿ, ವಿಶ್ವನಾಥಪುರ, ಕಾಳಾರಿ, ವರದೋಹಳ್ಳಿ, ಹಾಲಸಿಂಗನಹಳ್ಳಿ, ಕೋಡಿಪಾಳ್ಯ, ರಂಗೇಗೌಡನಪಾಳ್ಯ, ತಿಪ್ಪಗೊಂಡನಹಳ್ಳಿ, ಬಾಚೇನಹಟ್ಟಿ ಸೇವಾನಗರ, ವರದೇನಹಳ್ಳಿ, ಅಡಕಮಾರನಹಳ್ಳಿ, ಶ್ಯಾನುಭೋಗನಹ ಳ್ಳಿ,ಚಿಕ್ಕಹೊರೆಪಾಳ್ಯ, ಮತ್ತೀಕರೆ (ಹೇಳಿಗೆಹಳ್ಳಿ), ಗೆಜ್ಜೆಗಾರಗುಪ್ಪೆ, ಮತ್ತೀಕೆರೆ, ಲಕ್ಕಸಂದ್ರ, ಕೊಟ್ಟಿಗಾರಹಳ್ಳಿ, ಚಿಟ್ಟನಹಳ್ಳಿ, ನೇರಲವಾಡಿ, ಹುಲುವೇನಹಳ್ಳಿ, ಹುಲಿಕಟ್ಟೆ, ಚಕ್ರಭಾವಿ. ಅಗಲಕೋಟೆ ಹ್ಯಾಂಡ್ ಪೋಸ್ಟ್, ಬೆಸ್ತರಪಾಳ್ಯ, ಸೀಗೆತುಪ್ಪೆ, ಅರಳಕುಪ್ಪೆ, ಸಾತನೂರು ಪ್ರದೇಶಗಳಲ್ಲಿ ವಿದ್ಯುತ್ ವ್ಯತ್ಯಯ ಉಂಟಾಗಲಿದೆ.
Silk_City
C E O ಕಾಮಗಾರಿ ಪರಿಶೀಲನೆ
ಮಾಗಡಿ ತಾಲೂಕಿನ ಮಾಡಬಾಳ್ ಮತ್ತು ಕಲ್ಯಾ ಗ್ರಾಪಂ ವ್ಯಾಪ್ತಿಯ ಎಸ್‌ಬಿಎಂ ಹಾಗೂ ನರೇಗಾ ಯೋಜನೆ ಯಡಿ ಅನುಷ್ಠಾನಗೊಳಿಸಿರುವ ವಿವಿಧ ಕಾಮಗಾರಿಗಳನ್ನು ಜಿಲ್ಲಾಪಂಚಾಯಿತಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ದಿಗ್ವಿಜಯ್ ಬೋಡೈ ಹಾಗೂ ಇತರೆ ಅಧಿಕಾರಿಗಳು ವೀಕ್ಷಿಸಿದರು. ತಾಲೂಕಿನ ಮಾಡಬಾಳ್ ಗ್ರಾಪಂ ವ್ಯಾಪ್ತಿಯ ಸೊಣ್ಣೆನಹಳ್ಳಿ ಮತ್ತು ಬಾಳೆಕಟ್ಟೆ ಗ್ರಾಮದ ಕಮ್ಯುನಿಟಿ ಸೋಕ್‌ಪಿಟ್, ತೂಬಿನಕೆರೆ ಗ್ರಾಮದ ಚರಂಡಿ ಸಂಸ್ಕರಣಾ ಕಾಮಗಾರಿ, ಗೊಲ್ಲರಹಟ್ಟಿ ಮತ್ತು ವಿಠಲಾಪುರದ ಕಮ್ಯುನಿಟಿ ಸೋಕ್‌ಪಿಟ್, ದ್ರವ ತ್ಯಾಜ್ಯ ಘಟಕ ಕಾಮಗಾರಿ ವೀಕ್ಷಿಸಿ ಸಂಬಂಧಪಟ್ಟ ಅಧಿಕಾರಿಗಳಿಂದ ಮಾಹಿತಿ ಪಡೆದರು.